القرارات الثوريه بعد نجاح أي ثوره في تحقيق أهم أهدافها بتتخذ عادة حين يعجز القانون وممثليه عن إعادة الحقوق إلى أهلها والقصاص من الفاسدين فضلا عن خروجها عن مسار الأهداف الثوريه .. فيكون هنا دور الإعلانات الدستوريه عامل زي المكنسه اللي هتطهر بقية الفساد اللي موجود وبشكل مؤقت لحين تهئية الأجواء لاستقبال دوله ديمقراطيه حره قائمه على العدل .. ناس كتير فاكره إن الإعلان الدستوري تعدى على القانون رغم إنهم وقت الثوره وخلعهم لرؤوس النظام وعلى رأسهم مبارك المخلوع هم نفسهم من قاموا بتعطيل أيضا القانون والدستور وثاروا عليه .. والإعلان الدستوري الان مقرون بوقت وليس ممتد كما يظن البعض لحين اكتمال فريق التأسيسيه والإنتهاء من عمل الدستور الجديد وعمل انتخابات برلمانيه حره وده اللي مكتوب في الماده التانيه من الإعلان اللي عايز يقراه تاني اشترط فيه الرئيس مرسي عدم الطعن في تلك القرارات حتى يقطع الطريق على الفلول والفاسدين فضلا عن الجهات المعنيه في تقويض السلطه القضائيه والمحاكم الدستوريه في الطعن على الإعلان وده بند واضح جدا في كده .. والغرض من الإعلان واضح أيضا وهو حماية الثوره وأهدافها وحقوق الشهداء وأسرهم وإصلاح ماأفسده قضاة النظام وإعادة محاكمة رموزها من جديد إحقاقا للحق .. والله المستعان
-----------
أ.م.إ
