قررت أشارك بصوتي في المعارك
مش كل مره هستنى النتيجه وابقى أبارك
في المجتمع كذلك . هكون صمام أمان
هبقى جزء منه باعتباري صاحب المكان
باعتباري جزء من الوطن وليا فيه حقوق
حق من حقوقه بيجري زي الدم في العروق
مليت من كون سلبي . مفيش حياه في قلبي
مفيش حماس أبقى زمان بلادي وأقوم والبي
بس كل ده انتهى بكتف أشيل هموم وطن
أرجعوا لحياته تاني أزعنو الكفن
أصل جزء من الكيان كبير لازم يكون لي دور
مش منطقي أعيش في جنب أعيش في قبر مالقبور
أيوه هبتدي المسيره والمساهمه والمشاركه
لما أصفي نيتي هلائي كل طرقي سالكه
مش كل حاجه نفسي لأا مصر أولا
لأن أنا المستفيد أخيرا وأولا
قررت أشارك بصوتي في المعارك
مش كل مره هستنى النتيجه وابقى أبارك
في المجتمع كذلك . هكون صمام أمان
هبقى جزء منه باعتباري صاحب المكان
أيوه صاحب المكان مهما اختلف الأزمان
أنا مش مجرد كومبارس أو رقم في تعداد السكان
سنين كتير بلاده والفساد بلا هواده
الوقت وقت الإستفاده . مالأمل والإستعادة
إستعادة الطموح وكلنا نداوي الجروح
ونبتدي بألف قلب يبني ألف روح ورح
لما بيتك بيتنكش بتجري توضبه بسرعه
لما بتعيا بتجري بتشترى الدوا وتاخد جرعه
مستكتر العلاج لبلدك لما تتعثر
وتكتفي في كل أزمة بقولة ربنا ستر
شوفت ناس بتعتبر بلادها أمها الحنون
وناس كتير بتعتبر ده ضرب مالجنون
مهما تختلف ميولك إنت جزء مالجسد
وقت شدة الوطن لازم تقف تكون أسد
شارك بقوة واقتنع ويلا سيب علامة
شارك بحب وبأمل شارك بالإبتسامة
قررت أشارك بصوتي في المعارك
مش كل مره هستنى النتيجه وابقى أبارك
في المجتمع كذلك . هكون صمام أمان
هبقى جزء منه باعتباري صاحب المكان
=================================
No comments:
Post a Comment